LOUISE LABÉ
1526-1566


Oh si j'estois en ce beau sein ravie
De celui là pour lequel vois mourrant :
Si avec lui vivre le demeurant
De mes cours jours ne m'empeschoit envie,

Si m'acollant me disoit : Chere Amie,
Contentons nuos l'un l'autre, s'asseurant
Que ja tempeste, Euripe, ne courant
Ne nous pourra desjoindre en notre vie :
Si de mes bras le tenant acollé,
Comme du Lierre est l'abre encercelé,
La mort venoit, de mon aise envieuse ;

Lors que souef plus il me baiseroit,
Et mon esprit sur ses levres fuiroit,
Bien je mourrois, plus que vivante, heureuse.

tourner autour du son

tourner autour du son

tourner autour du son